കൊ​ടു​ങ്ങ​ല്ലൂ​രിൽ വീ​ട്ട​മ്മ ജീ​വ​നൊ​ടു​ക്കി​യ​ത് പ​ലി​ശ​ക്കാ​രു​ടെ ഭീ​ഷ​ണി​യും അ​ധി​ക്ഷേ​പ​വും മൂ​ല​മെ​ന്നു ബ​ന്ധു​ക്ക​ൾ

തൃ​ശൂ​ർ: കൊ​ടു​ങ്ങ​ല്ലൂ​ർ ഏ​റി​യാ​ട് പാ​ല​മ​റ്റ​ത്ത് യു​വ​തി ആ​ത്മ​ഹ​ത്യ ചെ​യ്ത​ത് പ​ലി​ശ​ക്കാ​രു​ടെ ഭീ​ഷ​ണി​യും അ​ധി​ക്ഷേ​പ​വും കാ​ര​ണ​മെ​ന്ന് കു​ടും​ബം. ധ​ന​കാ​ര്യ സ്ഥാ​പ​ന​ങ്ങ​ളു​ടെ ഏ​ജ​ന്‍റു​മാ​ർ വീ​ട്ടി​ലും ജോ​ലി സ്ഥ​ല​ത്തും എ​ത്തി ഷി​നി​യെ ഭീ​ഷ​ണി​പ്പെ​ടു​ത്തി​യെ​ന്ന് ബ​ന്ധു​ക്ക​ൾ ആ​രോ​പി​ച്ചു.

ഇ​ന്ന​ലെ​യാ​ണ് എ​റി​യാ​ട് പ​ഞ്ചാ​യ​ത്തി​ലെ യു​ബ​സാ​റി​നു സ​മീ​പം വാ​ക്കാ​ശേ​രി ര​തീ​ഷി​ന്‍റെ ഭാ​ര്യ ഷി​നി(35) വീ​ടി​നു​ള്ളി​ൽ തൂ​ങ്ങി​മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. ഇ​ന്ന​ലെ ഉ​ച്ച​യോ​ടെ മൈ​ക്രോ​ഫി​നാ​ൻ​സ് ക​ന്പ​നി​യു​ടെ ക​ള​ക്ഷ​ൻ ഏ​ജ​ന്‍റു​ക​ൾ ര​ണ്ടു ബൈ​ക്കു​ക​ളി​ലാ​യി ഷി​നി​യു​ടെ വീ​ട്ടി​ലെ​ത്തി​യി​രു​ന്ന​താ​യും തു​ട​ർ​ന്ന് ഷി​നി വീ​ട്ടി​ന​ക​ത്തു​ക​യ​റി വാ​തി​ല​ട​ച്ച​താ​യും അ​യ​ൽ​വാ​സി​ക​ൾ പ​റ​യു​ന്നു.

ഷി​നി വാ​തി​ല​ട​ച്ച​തോ​ടെ സം​ശ​യം തോ​ന്നി​യ അ​യ​ൽ​വാ​സി​ക​ളെ​ത്തി വാ​തി​ൽ​മു​ട്ടി വി​ളി​ച്ചെ​ങ്കി​ലും തു​റ​ക്കാ​താ​യ​തോ​ടെ ഇ​വ​ർ വി​വ​രം ടൈ​ൽ​സ് പ​ണി​ക്കാ​ര​നാ​യ ഭ​ർ​ത്താ​വ് ര​തീ​ഷി​നെ വി​ളി​ച്ച​റി​യി​ക്കു​ക​യാ​യി​രു​ന്നു. ജോ​ലി സ്ഥ​ല​ത്താ​യി​രു​ന്ന ര​തീ​ഷ് ഷി​നി​യു​ടെ അ​ച്ഛ​നെ വി​ളി​ച്ച് വി​വ​രം പ​റ​യു​ക​യും അ​ച്ഛ​നെ​ത്തി വാ​തി​ൽ മു​ട്ടി വി​ളി​ച്ചെ​ങ്കി​ലും തു​റ​ക്കാ​ത്ത​തി​നെ തു​ട​ർ​ന്ന് നാ​ട്ടു​കാ​രു​ടെ സ​ഹാ​യ​ത്തോ​ടെ ബ​ലം​പ്ര​യോ​ഗി​ച്ച് വാ​തി​ൽ തു​റ​ന്ന​പ്പോ​ഴാ​ണ് തൂ​ങ്ങി​മ​രി​ച്ച നി​ല​യി​ൽ ഷി​നി​യെ ക​ണ്ട​ത്. ഉ​ട​ൻ മോ​ഡേ​ണ്‍ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും വൈ​കിട്ടോ​ടെ മ​ര​ണം സം​ഭ​വി​ക്കു​ക​യാ​യി​രു​ന്നു.

വി​വി​ധ ധ​ന​കാ​ര്യ സ്ഥാ​പ​ന​ങ്ങ​ളു​ടെ ഏ​ജ​ന്‍റു​മാ​ർ വീ​ട്ടി​ലും ജോ​ലി സ്ഥ​ല​ത്തു​മെ​ത്തി ഭീ​ഷ​ണി​പ്പെ​ടു​ത്തി​യ​താ​യി മ​രി​ച്ച ഷി​നി​യു​ടെ ഭ​ർ​ത്താ​വ് ര​തീ​ഷും പി​താ​വ് ര​മ​ണ​നും പ​റ​യു​ന്നു. ഷി​നി ജോ​ലി ചെ​യ്യു​ന്ന കൊ​ടു​ങ്ങ​ല്ലൂ​രി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി പ​ലി​ശ​സം​ഘം ഭീ​ഷ​ണി​പ്പെ​ടു​ത്തു​ക​യും നാ​ണം കെ​ടു​ത്തു​ക​യും ചെ​യ്തു​വെ​ന്നും കു​ടും​ബം പ​റ​ഞ്ഞു.

പ​ലി​ശ​ക്കാ​രു​ടെ ഭീ​ഷ​ണി കാ​ര​ണം ജീ​വി​ക്കാ​ൻ ക​ഴി​യാ​ത്ത സ്ഥി​തി​യാ​യി​രു​ന്നു​വെ​ന്ന് നാ​ട്ടു​കാ​രും പ​റ​യു​ന്നു. ഷി​നി​യു​ടെ മ​ര​ണ​ത്തി​നി​ട​യാ​ക്കി​യ സം​ഭ​വ​ങ്ങ​ളെ​ക്കു​റി​ച്ച് അ​ന്വേ​ഷി​ച്ച് കു​റ്റ​ക്കാ​ർ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​ട്ടു​ണ്ട്.